Graue Köpfe und bunte Gedanken

Wie oft sitze ich inmitten grauer Köpfe? Wie oft bin ich die einzige unter 50? Oft. Sehr oft. Als Journalistin nehme ich an vielen Veranstaltungen teil. An Pressekonferenzen, Vorstellungen, Lesungen oder Events. Ich bewege mich in der Tourismus-, Wirtschafts-, Politik- und Kulturwelt. Überall bin ich mit dem gleichen Phänomen konfrontiert: graue Köpfe. Meistens gehören diese grauen Köpfe Männern. Und so bin ich nicht nur die einzige Person unter 50, sondern auch die einzige Frau in der Runde.

In solchen Momenten frage ich mich, wo die braunen, blonden, schwarzen oder roten Haare sind? Ich meine nicht die farbigen Haare als solche … Meine Frage ist eher: Warum ist meine Generation nicht in den Gremien unserer wichtigsten Organisationen im Tal vertreten? Warum sehe ich keine jungen Leute in Kommissionen, Parlamenten oder Vorständen?

Ich frage mich aber auch: Warum sieht man keine jungen Leute – zu denen ich mich mit meinen 36 Jahren immer noch zähle – an Literaturfestivals, Jubiläumsfesten von Institutionen, Einweihungen oder Treffen, bei denen über die Zukunft unserer Region diskutiert wird? Es ist doch absurd, dass die Generation 50+ letztlich über die Zukunft der 50- entscheidet? 

Es ist nicht so, dass sie die Kapazitäten dazu nicht hätten, im Gegenteil. Wenn ich mein Umfeld betrachte, sehe ich viele Köpfe, die nicht nur farbig sind, sondern auch gute Ideen hätten. Meine Generation ist jedoch sehr aktiv – im Berufsleben und im Privatleben. Jeder ist extrem mit Terminen, mit Planen und Organisieren – mit dem Leben – beschäftigt. Der Tag hat bereits zu wenig Stunden. Warum soll man sich also noch in einem Verein engagieren oder sogar Verwaltungsrat einer Aktiengesellschaft werden? Im Übrigen hocken dort sowieso nur graue Köpfe.

Die meisten Frauen in meinem Alter haben Kinder. Sie sind «Familienmanagerinnen» – eine Funktion, die sehr viel Engagement abverlangt. Die Mütter sind verantwortlich für die Organisation des Alltags, sie sind Hausfrauen, Köchinnen, Krankenschwestern, Lehrerinnen und daneben auch Partnerinnen, Geliebte, Freundinnen, Töchter. Viele arbeiten Teilzeit oder sogar Vollzeit. Wer in dieser Situation noch Zeit findet, um sich mit der wirtschaftlichen Entwicklung, politischen Ideologien und Lösungen gegen den Klimawandel zu beschäftigen, ist Superwoman – oder hat Superman geheiratet. Abends mag man normalerweise gerade noch eine Serie auf Netflix schauen – die Lesung oder das Treffen müssen warten, bis die Kinder grösser sind. Bis man selber auch graue Haare hat.

Die gute Nachricht: Ich stelle fest, dass die grauen Köpfe oft sehr junge Ideen haben. Sie haben auch mehr Energie, als wir 25-, 30-, 40-Jährigen. Wirklich. Wenn ich Pensionierte sehe, staune ich manchmal über ihre neuen Projekte und ihre unglaubliche Vitalität. Wir Jüngeren sind hingegen zu sehr mit der Gegenwart beschäftigt, um auch noch die Zukunft zu gestalten. Mit diesen Gedanken unter meinen braunen Haaren scheint es mir nun nicht mehr relevant zu sein, dass ich oft die Jüngste vor Ort bin.

P.S.: Letzthin habe ich mein erstes graues Haar entdeckt. Ich bin guter Dinge, dass mir schon bald auch die ersten bunten Ideen kommen.

*Fadrina Hofmann ist Regionalredaktorin der «Südostschweiz» und lebt mit ihrer Familie in Scuol. 

Chaus grischs e pensaments sgiagliads

Quantas giadas ses jau amez chaus grischs? Quantas giadas sun jau la suletta sut 50 onns? Savens. Fitg savens. Sco schurnalista ma participesch jau a bleras occurrenzas. Quai èn conferenzas da pressa, represchentaziuns, prelecziuns u events. Jau ma mov en il mund dal turissem, da l’economia, da la politica e da la cultura. Dapertut sun jau confruntada cun il medem fenomen: chaus grischs. Per il solit tutgan ils chaus grischs tar umens. Ed uschia na sun jau betg mo l’unica persuna sut 50 onns, jau sun er anc l’unica dunna en la runda. 

En tals muments ma dumond jau: Nua èn ils chaus brins, blonds, nairs, cotschens? Jau na manegel en quest cas betg ils chavels colurus … Mia dumonda è plitost: Pertge n’è mia generaziun betg represchentada en ils gremis da las organisaziuns impurtantas en nossa val? Pertge na ves jau betg ils giuvens en cumissiuns, en parlaments u en suprastanzas? 

Però ma dumond jau era: Pertge na vegnan ils giuvens – e tar quels ma quint jau cun mes 36 onns anc adina – betg a festivals da litteratura, a festas da giubileum dad instituziuns, ad inauguraziuns u a reuniuns, nua ch’i vegn discutà davart ils temas relevants per nossa regiun? Igl è bain abstrus che la generaziun 50 plus decida uschia la fin finala davart l’avegnir dals 50 minus? 

I n’è betg uschia che quels n’avessan betg las capacitads – il cuntrari. Sche jau contemplesch mes ambient, ves jau blers chaus che n’han betg mo colur, mabain avessan era bunas ideas. Però, mia generaziun è fitg activa – en la vita professiunala ed en la vita privata. Mintgin è terriblamain occupà cun termins, cun planisar ed organisar. Cun viver. Il di ha gia uschia memia paucas uras. Pertge damai anc s’engaschar en in’uniun u schizunt daventar cusseglier administrativ en ina societad d’aczias? E dal rest: là èn insumma mo chaus grischs. 

Las dunnas en mia vegliadetgna han per il solit uffants. Ellas èn daventadas «manageras da famiglia» – ina funcziun che pretenda enorm bler engaschament. Las mammas èn responsablas per l’organisaziun dal mintgadi, ellas èn chasarinas, cuschinieras, tgirunzas, magistras, dasperas anc partenarias, amantas, amias, figlias. Bleras han in job – parzial u perfin en in pensum cumplain. Tgi che chatta en questa situaziun anc temp per s’occupar cun il svilup economic, ideologias politicas u il salvament da l’ambient è superwoman – u ha maridà superman. La saira èn ins normalmain gist anc capabel da guardar ina seria sin Netflix – la prelecziun u la reuniun ston spetgar fin ch’ils uffants èn pli gronds. Fin ch’ins ha sez era chavels grischs.

La buna nova: jau constatesch ch’ils chaus grischs han savens ideas fitg giuvnas. Els han era dapli energia che nus da 25, 30, 40 onns. Propi. Sche jau ves pensiunads stun jau mintgatant stutta da lur novs projects e lur vitalitad incredibla. Nus pli giuvens percunter essan memia occupads cun il preschent per crear er anc l’avegnir. Cun quests pensaments sut mes chavels brins na ma pari betg pli relevant che jau sun savens la pli giuvna sin il lieu.

P.S.: Tschel di hai jau scuvert mes emprim chavel grisch. Jau sun da buna speranza ch’i vegnan bainprest era las emprimas ideas sgiagliadas.

*Fadrina Hofmann è redactura regiunala tar la «Südostschweiz» e viva cun sia famiglia a Scuol.